Belorussiya milliy texnika universiteti bilan o'zaro hamkorlik yo'lida istiqboldagi rejalar

Belorussiya Milliy teхnika universiteti rektori professor Sergey Xaritonchik boshchiligidagi delegatsiyasi Toshkent arxitektura-qurilish institutiga tashrif buyurdi. Kuni kecha Belorussiya Milliy teхnika universiteti rektori prof.Sergey Xaritonchik boshchiligidagi delegatsiya Toshkent arxitektura-qurilish institutiga  tashrif buyurdi. Uchrashuvda Toshkent arxitektura-qurilish instituti rektori Ercan Kahya, o'quv ishlari bo'yicha prorektor Abdullo Mirisayev hamda Xalqaro hamkorlik bo'limi boshlig'i Anzirat Nigmadjanova ishtirok etdi. Tashrif davomida Toshkent arxitektura-qurilish instituti va Belorus Milliy teхnika universiteti o’rtasida tuzilgan hamkorlik shartnomasi hamda “Yo’l хaritasi” ga asosan amalga oshirilgan ishlar muhokama qilindi. Muhokama davomida quyidagi masalalarga alohida e’tibor qaratildi:

1.Belorussiya Milliy teхnika universiteti bilan hamkorlikda 2021/2022 o’quv yilidan boshlab qo’shma ta’lim dasturlari (bakalavriat “2+2”) asosida kadrlar tayyorlash;

2.Toshkent arxitektura-qurilish institutida ilmiy-teхnologik teхnopark tashkil etish;

3. Amaliy teхnik kvalifikasiyalar bo’yicha kadrlar tayyorlovchi O’zbek-Belorus qo’shma tarmoqlararo institutini ochish;

4.Toshkent arxitektura-qurilish instituti professor-o’qituvchilarini Belorussiya Milliy teхnika universitetida malaka oshirish va stajirovkadan o’tishlari bo’yicha moliyaviy tomondan imtiyozlar berish;

5.Hamkorlikda ilmiy-tadqiqot ishlarini olib borish hamda o’zaro kelishilgan holda ilmiy loyihalarga mablag’ ajratish va bajarish.

Bundan tashqari 2022/2023 o'quv yilida qo'shimcha ravishda qurilish konstruksiyalari hamda shaharsozlik yo'nalishlari bo'yicha qo'shma talim dasturlarini amalga oshirish masalasi muhokama qilindi va uchrashuv so'ngida talabalar bilan uchrashuvi tashkil qilindi.